Afka hooyo {Gabay}:ku saabsan af-soomaaliga

waa gabay ka hadlaya afkeena hooyo iyo maanta waxa uu ku suganyahay waxaanan curiyay 20/1\2016. waxaa ii muuqato ineey bulshadu gabtay kaalinkeedi ku aadanaa dhoowrida ahaanshaheeda.

1. Alif gabay baryahan waan ka tagay udub dhigiisiiye

2. Iska daayay maansiyo tix iyo ololaheediiye

3. cid u ooman baan waayay oo aaway oraneeysa

4. hayeesheese aminkaan rakaa urur dareen roone

5. idhageeysta cahtanaan aqriyi amaradeeydiiye

6. ega hore salaan baan dhamaan idin gudoonsiine

7. tan xigtana alaa mahad is kaleh idil ahaanteede

8. naga dhiyay islaam iyo dad garan erayga diineede

9. sina aan af iyo nooga qadin idil ahaan ciide

10. idinkuna mahdiya waan hubood ku aflaxeeysaane

11. intaa waa intaa ee hadaan dib ugasoolaabto

12. ulajeedka aan rabo hadaan ooga ka cadeeyo

13. afka hooyo waa maalintii lagu ilaaleeyay

14. u dabaaldagiisiyo mashxarad waanu aragnaaye

15. afka iyo maxaa uurkayaga kala aheeysiiyay

16. damiirkii maxaa eeynabuu uga xajiimooday

17. af-qalaad xafiisyada maxaan kaga adeegnaa bal

18. ilinkaan istaagnaba maxaa suray amah qaana

19. ingiriiska yaa nagu daroo ooshayadi qaaday

20. abtirkeedi yaa rogay koleey waa Ayaan li’iye

21. idilkeed aduunyada intaa uunka wada saran

22. nin walbaa intii lagu galad waa ilaashadaye

23. soomaalaay intii uguma xumid eel kalaa jira e

24. ergeeysiga dan maahee ka faan waad ajaranteene

25. hodonimo afkaadaa ka wacan yurub idlaanteede

26. afrikadana koow baad u tahay eray dhigaaleede

27. aradkaasa wada jeceshihiin amar ilaaheeye

28. been iyo or maahoo run baan lagu arooraaye

29. afka hooyo ku idiin badalo ma arki doontaane

30. ilaashada asaad leedihiin suu ahaadaba e

31. adoonsaad ku nooshahay jahliga iba tirkiisiiye

32. ileeyskii tacliintiyo ma helin unugyadeediiye

33. eelkaa waxaa dhigay afkood ka asal guurteene

34. saboolnimo aqliga kaa gashaan daawo loo arage

35. asaagaana waad kaga hartaa aayo li’idaaye

36. isxisaabsha gobi waa ineey dib isu eegtaaye

37. intaa waa intaa ee hadaan dib ugasoolaabto

38. Balmaan eray dardaaraana warkaba ugu danbeeysiiyo

39. Ururada waxbarasha ilaa aqalka doowloo dhan

40. Idilkeed bulshada iyo intaan eray wadaagnoo dhan

41. Dar dar galin afheenaa dhamaan waa in loo kaca e

42. Waa in loo adeegsado dhamaan idil ahaan hoowle

43. Waa in aan ku baranoo wax oo kaga baxnaa oone

44. Waa in daabcaad idil ahaan lagu ogaadaaye

45. been iyo or maahoo run baan lagu arooraaye

46. afka hooyo ku idiin badalo ma arki doontaane

47. ilaashada asaad leedihiin suu ahaadaba e